Դաս 1.1 Թվարկել կենցաղում հանդիպող քիմիական և ֆիզիկական երևույթները:
1. Որո՞նք են ֆիզիկական երևույթները: Ներկայացրե՛ք օրինակներ:
Ֆիզիկական են անվանում այն երևույթները, որոնց ընթացքում նյութերը մեկը մյուսի չեն փոխարկվում, այսինքն՝ նոր նյութեր չեն առաջանում: Օրինակ՝ ծծմբի, շաքարի, կերակրի աղի, ածխի մեծ կտորների` փոշու վերածվելը, երկաթի խարտելը, ապակյա բաժակի, կուժի կոտրվելը, պղնձե լարի, տետրի թղթի, կոճի թելի և այլնի կտրելը, ջրի եռալը, մոմի և սառույցի հալվելը, ցողի գոլորշիանալը և այլն:
Ֆիզիկական երեւույթներն լինում են մեխանիկական, ջերմային, ձայնային, օպտիկական, էլեկտրական և մագնիսական:
2. Որո՞նք են քիմիական երևույթները: Ներկայացրե՛ք օրինակներ:
Քիմիական են անվանում այն երևույթները, որոնց ընթացքում նյութերը փոխարկվում են մեկը մյուսի, այսինքն` նոր նյութեր են առաջանում: Օրինակ՝ երկաթի ժանգոտումը, փչացող սնունդը, թթվող կաթը, այրումը
3. Հետևյալ երևույթներից որո՞նք են ֆիզիկական, որո՞նք՝ քիմիական.
ա) բենզինի այրվելը — քիմիական
բ) եղյամի առաջացումը — ֆիզիկական,
գ) կաթի թթվելը — քիմիական
դ) ջրի եռալը — ֆիզիկական
ե) հայելու կոտրվելը — ֆիզիկական:
4. Ո՞րն է ֆիզիկական երևույթ.
ա) մեթանի այրումը,
բ) բենզինի թորումը բնական նավթից,
գ) պողպատի ժանգոտելը խոնավ օդում:
5. Ո՞րն է քիմիական երևույթ.
ա) շոգիացման հետևանքով աղի բյուրեղների անջատվելը լուծույթից,
բ) «չոր սառույցի» առաջացումն ածխաթթու գազից,
գ) բենզինի թորումը բնական նավթից,
դ) պողպատի ժանգոտելը խոնավ օդում: